RSS訂閱 《笑傲缸湖》相信有唔少貪靚嘅姊妹同盈盈一樣都好中意買化妝品，但係有時候又真係無咁
多時間去睇。因為化妝品唔同買衫買鞋，上網買咗唔啱都可以係指定時間內退換，化妝品一般拆
開就無得退換了。諗下都幾麻煩嘎。最近，ＩＧ（Ｉｎｓｔａｇｒａｍ）就同ＡＲ技術平台
「Ｓｐａｒｋ ＡＲ Ｓｔｕｄｉｏ」出咗個可以畀各位姊妹試妝同購買嘅功能，咁姐係以後再
唔洗出門買化妝品啦？
ＡＲ技術喺依幾年發展得好快，但一路都只係將佢用喺遊戲上面。但係今次
Ｆａｃｅｂｏｏｋ就話佢要行條唔一樣嘅路，早喺五月份個陣就發布
「Ｓｐａｒｋ ＡＲ Ｓｔｕｄｉｏ」將會用嚟做廣告宣傳。而ＩＧ就首先做依隻白老鼠，為
ＭＡＣ和ＮＡＲＳ等品牌推出ＡＲ試用工具。想入貨嘅姊妹可以用ＩＧ嘅ＡＲ濾鏡預覽效果，同
時都可以直接柯打，真係認真方便啊。
點樣操作？就攞唇膏為例啦，首先喺ＩＧ打開相關品牌試妝嘅ＡＲ濾鏡，然後揀你想試色嘅
唇膏，就可以即時喺屏幕見到效果，仲可以Ｓｈａｒｅ埋畀Ｄ朋友睇。覺得好心動想買，都唔洗
急嘎，直接點擊上面嘅購買鍵就買到啦。
不過，原本「Ｓｐａｒｋ ＡＲ Ｓｔｕｄｉｏ」一開始只係提供濾鏡一樣嘅ＡＲ特效，畀
ＩＧ用戶作娛樂，但係自從Ｆａｃｅｂｏｏｋ打開咗依個平台之後，就越嚟越多用家上傳自製嘅
濾鏡，宜家仲攞埋嚟做廣告，畀用戶即時睇到試驗產品嘅效果。盈盈只可以話ＩＧ嘅商業頭腦真
係犀利，但係各位購物狂就要打起精神，唔好一下子手滑就柯打了。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
樂本健【秋日開倉26 - 27/9】保健品低至$20！► 火速行動
