RSS訂閱 《笑傲缸湖》盈盈睇戲個陣，成日見到啲人打架會打碎個玻璃樽當做武器，真係嚇死人咩！
但相信無耐，呢枝歌仔可能無得成日唱啦！話說世界第４大啤酒製造商嘉士伯正係研發紙製啤酒
樽，仲可以環保救下地球，搞到我都想快啲試下！
ＣＮＮ就話，原來嘉士伯公開咗兩種可持續利用嘅木纖維回收瓶，其中一種嘅內襯係再生
ＰＥＴ塑料薄膜，以防止啤酒滲出；另一種係用咗生物基質（ｂｉｏ－ｂａｓｅｄ）內襯。嘉士
伯話呢個創新又環保，仲可以比消費者隊酒個陣有更ＦＵＮＮＹ嘅選擇。嘉士伯話呢啲樽同鋁或
玻璃比起嚟，纖維瓶對環境更有利，因為佢吔可持續使用，而且生產過程嘅污染相當細。
但呢種新型包裝就２０１５年先開始研究，要睇佢會唔會影響飲品味道，所以要推出都要等
幾年呀！
嘉士伯又幾醒！佢就已經開始同其他公司合作研發紙製包裝，例如瑞典酒商絕對伏特加
（Ａｂｓｏｌｕｔ）同可口可樂，搞到盈盈都好鬼期待呀！
咩係企業責任？呢種就係啦！希望可以多啲企業有樣學樣，形成環保風氣就最好。盈盈平時
買珍珠奶茶飲就例牌自備環保飲管！所以環保除左呢啲大企業出力，仲好需要你同我努力！
《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
樂本健【秋日開倉26 - 27/9】保健品低至$20！► 火速行動
