即市新聞

21/02/2024 11:39

《樓市亮話-湯文亮》負資產原來是人造產品

  《樓市亮話》香港在去年第四季,負資產數目急升至二萬五,比第三季多一倍,香港政府大
為緊張,因為繼續倍翻,到了今年第二季,就會有十萬個負資產,媲美2003年的高峰期,政
府官員相信已經開了很多次會議,商量怎樣解決問題。
 
  有老友問我負資產的問題如何解決,老友所問非人,我又唔係官員,知道點樣解決都冇用。
不過,根本唔使花心機去解決,本來天下本無事,只不過是庸人自擾之,負資產是人造產品,不
過不是特登去做,而是在不知不覺間造出來,如果不撥亂反正,到了今年第二季,負資產宗數可
能超過十萬。至於如何撥亂反正,簡單到不得了,就是銀行停止call loan,唔
call loan就唔會出現負資產,講都冇人信。
 
  有人話我搞錯,銀行停止call loan,只會損失更大,絕對行唔通。那人唔明白,
今日銀行call loan是與以往不同,銀行不會向那些接近資不抵債的人call 
loan,而是向按揭借貸比率不足五成的業主call loan,不少被call的業主不
勝其煩,唯有以市價八、九折賣走手上一兩個物業,將按揭借貸比率降至四成,滿足銀行要求。
但銀行唔知道咁樣做,其實是給了自己很大麻煩,被call的業主沒有問題,但由於那些業主
以低價賣樓,做成樓價下跌,那些用八、九成按揭上車的業主,他們的物業有機會變成負資產,
雖然銀行是不會向那些負資產業主call loan,但難保他們自動放棄,對於銀行來說,
根本是一個大包袱,這是否庸人自擾之。
 
  如果銀行唔向那些按揭貸款比率低於五成的業主call loan,那些業主根本唔會以
市價八、九折賣樓,樓價就唔會跌,那些用高成數做按揭業主的單位,就不會變成負資產,由此
可見,負資產是由銀行製造出來的。《紀惠集團副主席及行政總裁 湯文亮》
 
*《經濟通》所刊的署名及╱或不署名文章,相關內容屬作者個人意見,並不代表《經濟通》立
場,《經濟通》所扮演的角色是提供一個自由言論平台。
 

WoW WoW星期三:健康網購產品低至$99 (只限今天)► 立即行動

人氣文章
財經新聞
評論
專題
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力