RSS訂閱 魚缸難得好景番些少，花旗國聯儲局主席耶倫又嚟料，孖屐預計耶倫短期內放鷹機會比較大，雖然缸湖中人都認為９月加息唔大，但係距離揭盅日子仲有成個月，觀望氣氛又要再籠罩香江，兩萬三呢一關認真難過。
大新金融（００４４０）半年賺少接近１５巴仙，差過預期，而且同其他同業一樣，面臨緊資產質素惡化嘅問題，減值貸款比率升到１﹒０３巴仙，喺早年人人北望神州，如今阿爺有難，擴展神州孖屐嘅錢莊自然要同呼吸共命運。
不過明眼人都知道，大新金融股價走勢同佢嘅業績關係唔大，事關大新金融決定出售壽險業務畀深圳房地產商泰禾集團（深：０００７３２），缸友一來寄望賣仔換取收益，二來希望同小股東分甘同味，大派特別息。所以，大新金融一日未完成出售，估值潛力仍然存在，缸友可以趁呢排股價走下坡收集，等佢再創新高！
《編者按》本欄搜羅即市傳聞，惟消息未經證實，《經濟通》亦不保證內容之準確性。
夏日中暑高風險！即睇中暑迷思＋預防措施！► 立即了解
