RSS訂閱 《笑傲缸湖》幾經辛苦經歷咗兩年，由２０１５年捱到依家，等到魚缸上返高位，噚日
（１７日）仲以歷史新高收市，今朝（１８日）再向前衝，仲升到３２２３３又寫下新嘅史上新
高。同魚缸同生共死嘅生發發（００３８８）今朝亦都衝破２０１５年５月２９日高位
２９８﹒６５銀，去到３０１銀最新山頂位，盈盈當年摸頂入貨嘅朋友，苦苦等咗兩年，終於守
得雲開見月明！
生發發呢排咁旺，行政總裁李小加亦都多咗浦頭。有探子話佢早前親自寫信畀市場人士，希
望有人能夠捐出或借出一Ｄ珍藏之寶畀生發發展出，事關有逾３１年歷史嘅生發發交易大堂光榮
退休後，改建成嘅「香江金融大會堂」，將會喺２月２０日（年初五），即係狗年第一個交易日
開幕，入面嘅博物館亦會同日登場！據聞股壇「老行尊」蔡陳葆心女士就捐出「橙背心」、「交
易飛仔」等寶物，預計博物館係開放畀公眾參觀，等盈盈遲Ｄ又去睇先。
李小加就曾經講過，舊嘅大時代過去，新嘅大時代來臨，盈盈希望呢個大時代可以慢慢形成
，唔好好似２０１５年咁，煙火霎時就過，只能留待「香江金融大會堂」入面嘅博物館度紀念啦
。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
