RSS訂閱 《笑傲缸湖》自從Ｆａｃｅｂｏｏｋ（ｆｂ）被揭發不當分享用戶數據畀劍橋分析後，有唔
少名人都公開表示睇唔順眼，仲有唔少人選擇停用ｆｂ，就例如特斯拉（Ｔｅｓｌａ）嘅馬斯克
、蘋果創辦人之一Ｓｔｅｖｅ Ｗｏｚｎｉａｋ。荷里活名星占基利（Ｊｉｍ
Ｃａｒｒｅｙ），就選擇用一幅插畫去表達對ｆｂ創辦人朱克伯格（朱仔）嘅不滿。
占基利唔鍾意朱仔已經唔係新事喇，早喺今年２月，佢已經宣布會刪除ｆｂ帳號，同埋沽哂
ｆｂ嘅股票。適逢朱仔出度國會聽證會，占基利就上傳一張朱仔嘅插畫去Ｔｗｉｔｔｅｒ，畫中
嘅朱仔面正以咪高峰回答提問，身穿寫上「Ｆａｃｅｂｏｏｋ」字樣嘅桃紅色上衣，配上暗示洗
腦嘅電波背景。
占基利更加幫朱仔配上對白：「我會以我嘅Ｉｌｌｕｄｉｕｍ Ｑ－３６空間爆炸調整器應
用程式（ａｐｐ）毀滅地球，阻止任何進一步嘅選舉！」仲要加多句「ｆｂ嘅股價下跌，搞到我
好嬲！」
其實，占基利已經唔係第一次以插畫去諷刺時弊喇，以前佢都有畫過唔少花旗國總統侵侵（
特朗普）嘅畫喇，都相當之「啜核」㗎，拍得上報紙上面見到嘅專業政治漫畫。大家有興趣嘅話
，不妨去佢Ｔｗｉｔｔｅｒ（＠ＪｉｍＣａｒｒｅｙ）到欣賞下。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】本港主要銀行跟隨美聯儲減息，你對樓市前景有否信心？► 立即投票
