RSS訂閱 《笑傲缸湖》Ｄｏｍｉｎｏ薄餅鍾意搞創新就眾所周知喇，佢早喺２０１５年就試過喺花旗
國推出無人駕駛電單車送薄餅，之後有計劃過機械人去送外賣，舊年就聯同汽車生產商Ｆｏｒｄ
一齊研發無人駕駛外賣車﹒﹒﹒最近佢哋又有新搞作喇，喺花旗國唔同地方設立超過１５萬個熱
點，即使顧客無傳統地址，都可以叫外賣！
呢啲熱點設立咗喺唔同嘅地方，包括地標、公園、球場等等，即係代表如果顧客坐係喺草地
野緊餐嘅時候，又或者睇緊波嘅時候，都可以嗌薄餅食喇。就算係坐定定同朋友吹緊水，都可以
有專人將熱辣辣嘅薄餅送到面前。
其實，成個原理就有少少似快遞嘅自取點，不過就無實體嘅舖面。如果顧客想嗌外賣，首先
就要通過網站或者手機應用程式落單，之後選擇一個最近嘅熱點，再畀個詳細嘅描述，例如坐喺
公園入面第幾張櫈，咁就可以坐定定等食喇。仲可以透過手機應用程式，睇到送貨員依家去到邊
添！
Ｄｏｍｉｎｏ花旗國嘅主席Ｗｅｉｎｅｒ就表示：「送貨最緊要都係方便到人！」所以就推
出咗呢個新服務，令顧客身在何處都可以食到佢哋嘅薄餅。能夠咁為顧客著想，又敢於創新嘅公
司真係唔多，盈盈都忍唔住想試下，可惜喺香江無業務喇，唉。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
樂本健【秋日開倉26 - 27/9】保健品低至$20！► 火速行動
