RSS訂閱 《笑傲缸湖》雅虎（Ｙａｈｏｏ）前ＣＥＯ梅耶爾（Ｍａｙｅｒ）一直好想重振雅虎聲威，
不過佢有心無力，在位時唯一建樹，可能就係出售部分阿里巴巴股份（ＢＡＢＡ），因為呢項買
賣帶來幾十億美金嘅利潤。但離職後嘅梅耶爾首次接受訪問時就承認，其實賣走阿里巴巴係一項
錯誤！
一切都錯在太早「分手」。其實２００５年雅虎以１０億美金，買咗阿里四成股份，之後喺
２０１２年果陣，雅虎再以７６億美金賣走番一半股份（即２０％股份）畀阿里巴巴。而到今日
，阿里巴巴市值已達４６８７億美金，如果以兩成股權去計，即雅虎當時唔賣出嘅話，批股票市
值達９３７億美金，雅虎足足賺少咗８００幾億美金！
雖然梅耶爾話當時兩名激進投資者先係呢項決定嘅罪魁禍首，但梅耶亦慨嘆：「想要迅速得
到回報嘅短視行為，會導致你錯過更大嘅收益」。相信唔少缸友都擁有同樣嘅經歷，有Ｄ搵到好
貨但又揸得唔夠耐，之後見到隻股升到嘭嘭聲；當然，亦有更加多嘅係揸得耐果Ｄ，但又一沉不
起。唉，股票就係咁難捉摸架啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
