RSS訂閱 《笑傲缸湖》花旗國密歇根州立大學（Ｍｉｃｈｉｇａｎ Ｓｔａｔｅ
Ｕｎｉｖｅｒｓｉｔｙ）最近就研究緊「社交媒體成癮」呢個議題。結果就顯示，使用大量社交
媒體嘅用家，決策能力會受損，行為特徵就等同染上毒癮，好得人驚啊！
首先，研究就要求７１個參加者使用「Ｆａｃｅｂｏｏｋ（ｆｂ）成癮表」，嚟評估佢地使
用ｆｂ嘅情況。其後，研究就會使用研究工具－愛荷華州遊戲任務（ＩＧＴ），以用作評估決策
能力受損嘅程度。研究者會向參加者展示四組每組四張牌，每張牌都各自表示受益或損失嘅金額
，要求參加者選擇令收益最大化嘅ｃｏｍｂｏ。
研究完成後，研究人員就發現，聲稱過度使用嘅ｆｂ玩家喺ＩＧＴ任務上嘅表現比同齡人差
，尤其喺ＩＧＴ進行嘅後半部分，當實驗畀咗足夠時間參加者觀察卡片嘅時候，佢地所表現出嘅
行為上有甚大差異。
時至今日，ＩＧＴ任務已經廣泛應用喺各種研究領域上面，同時又成為檢測社交媒體成癮嘅
創新方法。該種研究仲可以令研究人員觀察參加者使用社交媒體嘅情況，並根據佢地相應嘅行為
而進行研究，從而提高研究嘅準確性。
等盈盈將份研究仔細再讀一次，之後ｓｅｎｄ畀身邊「Ｎｏ Ｆｂ，ｎｏ ｌｉｆｅ」嘅朋
友仔，等佢地意識到問題嘅重要性先！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
