RSS訂閱 《笑傲缸湖》Ｆａｃｅｂｏｏｋ（臉書）噚日宣布，影音服務Ｗａｔｃｈ每月觀看人次高達
７﹒２億萬人次咁多，勁！事實上，Ｆｂ近年嘗試去搶攻Ｙｏｕ Ｔｕｂｅ等等嘅影音
Ｐｌａｔｆｏｒｍ，而旗下Ｗａｔｃｈ嘅「孖屐」份額已經慢慢追上啦！Ｆｂ嘅Ｗａｔｃｈ服務
喺２０１７年推出以嚟，就不停Ｅｘｐａｎｄ，目前節目包括ＭＴＶ、花旗國有線電視新聞網
ＣＮＮ、環球電視台Ｕｎｉｖｉｓｉｏｎ，同埋喺ＹｏｕＴｕｂｅ上載嘅原創Ｖｉｄｅｏ。
Ｆｂ近日仲加咗公共觀看，同埋為每個用家嘅喜好而Ｃｕｓｔｏｍｉｚｅｄ嘅Ｐｌａｙｌｉｓｔ
添！
Ｆｂ表示，該平台每日使用Ｗａｔｃｈ嘅玩家有１﹒４億人，仲表示諗緊點樣建立社區
Ｂｒａｎｄｉｎｇ，以推動社交活動繼續投資，令佢地嘅收視率提升。除此之外，Ｆｂ仲會同全
球發行公司，兼影片原創者大玩Ｃｒｏｓｓ－ｏｖｅｒ，令佢地可以將有意義，同埋具娛樂性嘅
影片立即放去Ｗａｔｃｈ到，同所有用家開心「些牙」。
Ｆｂ向公眾表示，Ｗａｔｃｈ呢個平台每個月賺到超過１０００美金（約７８２６銀港紙）
廣告收入嘅頁面數量，較過去一年增長８倍咁多；而每月賺超過一萬美金嘅頁面都增長三倍！
事實上，根據廣告客戶認知度調查顯示，有一半嘅廣告客戶Ｐｌａｎ緊今年增加有關開支，仲預
計Ｆｂ將會成為今次最大嘅得益者。而Ｆｂ嘅Ｖｉｄｅｏ插播廣告服務，將會喺楓葉國正式推出
，到時仲會支援瑞典語等５種Ｌａｎｇｕａｇｅ架。
Ｆｂ呢個虛擬空間，成功複製咗人類嘅真實生活，同埋人脈圈子，加上又可以令用家喺短期
內滿足個人好奇心，所以先可以「生存」咁耐啊！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】的士記分制將於周末生效，你認為該制度可否幫助的士提升服務質素？► 立即投票
