《笑傲缸湖》Facebook(臉書)噚日宣布,影音服務Watch每月觀看人次高達
7﹒2億萬人次咁多,勁!事實上,Fb近年嘗試去搶攻You Tube等等嘅影音
Platform,而旗下Watch嘅「孖屐」份額已經慢慢追上啦!Fb嘅Watch服務
喺2017年推出以嚟,就不停Expand,目前節目包括MTV、花旗國有線電視新聞網
CNN、環球電視台Univision,同埋喺YouTube上載嘅原創Video。
Fb近日仲加咗公共觀看,同埋為每個用家嘅喜好而Customized嘅Playlist
添!
Fb表示,該平台每日使用Watch嘅玩家有1﹒4億人,仲表示諗緊點樣建立社區
Branding,以推動社交活動繼續投資,令佢地嘅收視率提升。除此之外,Fb仲會同全
球發行公司,兼影片原創者大玩Cross-over,令佢地可以將有意義,同埋具娛樂性嘅
影片立即放去Watch到,同所有用家開心「些牙」。
Fb向公眾表示,Watch呢個平台每個月賺到超過1000美金(約7826銀港紙)
廣告收入嘅頁面數量,較過去一年增長8倍咁多;而每月賺超過一萬美金嘅頁面都增長三倍!
事實上,根據廣告客戶認知度調查顯示,有一半嘅廣告客戶Plan緊今年增加有關開支,仲預
計Fb將會成為今次最大嘅得益者。而Fb嘅Video插播廣告服務,將會喺楓葉國正式推出
,到時仲會支援瑞典語等5種Language架。
Fb呢個虛擬空間,成功複製咗人類嘅真實生活,同埋人脈圈子,加上又可以令用家喺短期
內滿足個人好奇心,所以先可以「生存」咁耐啊!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
【你點睇】美眾院通過法案,香港駐美經貿辦恐遭關閉,你是否支持中方對此作出強烈反制?► 立即投票