《笑傲缸湖》盈盈我呢啲公司嘅「勤力員工」,耐唔耐同其他同事Chat一會兒,八下老
細有咩新動作,又或者隔離組係咪有咩新戀情曝光。其實,辦公室之間成日私聊,都見怪不怪,
不過喺華爾街大行就好大件事,而且隨時會唔見份工。
據報,事源大摩兩位資深商品交易員畀人解僱,原因係佢吔用咗一啲未經授權嘅通訊系統進
行私聊!咩「通訊系統」咁危險啊?咪就係Whatsapp囉!因為呢類通訊系統經過加密,
所以大摩就無法監察佢地講過啲乜,繼而就被人炒魷魚啦。
吓?唔係話有私隱保障自由咩?點解員工私Chat都要被人睇實?據知,係因為怕唔同嘅
交易員進行檯底交易、操控股價咁話。報道引述消息人士話,大摩發現唔到佢吔喺Whatsa
pp上面有違規行為,但使用呢種平台本身就係違反規定。
其實,花旗國通訊監管機構無法例話員工唔可以用Whatsapp,不過由於銀行業存在
好多「信息影響價格」嘅情況,所以銀行必須要監察員工嘅通訊紀錄,所以好多華爾街公司都開
始用Symphony呢類軟件溝通,呢類軟件本身就係考慮到監管機構嘅要求而設。
不過,慘慘豬嘅係,呢兩位交易員都係大摩工作好耐日子,其中一位喺34年前大學畢業就
加入大摩工作至今,另外一位都喺大摩做咗13年。又咁講,法律都不外乎人情,兩位資深員工
都為公司工作咁年,無功都有勞,呢次不涉個人利益,大摩會唔會考慮法外開恩呢?《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
【你點睇】美眾院通過法案,香港駐美經貿辦恐遭關閉,你是否支持中方對此作出強烈反制?► 立即投票