RSS訂閱 《笑傲缸湖》有打開機嘅朋友仔都知，課金玩家同非課金玩家嘅差距係非常大，一開頭就課
金買批又靚又犀利嘅武器，絕對係「贏在起跑線上」！不過如果課成３千萬，贏嘅已經唔係起跑
線，係十個圈喇！你玩曬啦！
呢排有台灣打機Ｙｏｕｔｕｂｅｒ講起，喺《天堂Ｍ》呢隻韓國開發嘅手遊入面，有位叫「
白袍甘道夫」嘅玩家公佈咗自己喺暗影神殿伺服器角色「風＊殺生」嘅帳號消費總額，就去到１
億９００萬新台幣，即係成３０３０幾萬港紙！不過呢個數只係佢經官方渠道嘅消費總額，如果
計埋非官方嘅儲值渠道，就使咗差唔多３９００幾萬港紙！
係乜嘢要成３千幾４萬呢？原來呢位玩家無論喺裝備、神獸定技能方面嘅收集都係全滿，仲
要最高級嘅「神話級」收藏都係全滿！望住佢個收藏圖鑑，隔住個ｍｏｎ都聞到錢味呀！
原來《天堂Ｍ》喺台灣咁成功，個個玩家都爭住課金，宣傳方面都做左唔少功夫！１７年尾
啱啱推出嗰陣，《天堂Ｍ》嘅台灣發行商遊戲橘子就搵咗棒球手陳金鋒同羽毛球手戴資穎等等嘅
「台灣英雄」嚟做代言人，自然就呼應咗台灣巴打想成為「民族英雄」嘅響往啦。
唔止咁，遊戲橘子仲同新媒體合作拍咗套用打機做題材嘅網劇《可惡！把我的青春還給我》
，又同飲品商合作出咗隻類似ｇａｍｅ入面藥水咁樣嘅果汁，務求要「老是常出現」喺玩家嘅生
活入面。
不過講開又講，盈盈都係普通人，如果有３千幾萬，不如攞去買返兩層樓收租仲好啦！都係
唔好，應該開發返隻好似《天堂Ｍ》咁收得嘅ｇａｍｅ，分分鐘好賺過收租呀！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
