RSS訂閱 《笑傲缸湖》東京殘奧會進行得如火如荼，但日本嘅經濟學家已經提前計好，奧運因疫情推
遲一年嘅支出，加埋防疫，令今屆變成「史上最貴嘅奧運會」！
根據東京奧組委嘅數據顯示，疫情下東京奧運會嘅成本，較先前嘅１﹒３５萬億日元，約７
９４億元人仔，多咗２２％！要成１﹒６４萬億日元，即大約９６５億元人仔！
關西大學理論經濟學名譽教授宮本勝弘，就對比２０１３年日圓既匯率，同現時之下，赤字
規模超過２１０億美元（２﹒３７萬億日元）！另外，喺史無前例嘅空場效應下，各項賽事門票
損失都超過１０００億日元咁多！
其中，東京都政府虧損約為１﹒４１萬億日元（１２８億美元），而日本中央政府虧損約為
８７４０億日元（約合７８億美元），其餘就由賽事組委會承擔。
而宮本勝弘最新嘅估算顯示，東京奧運會同殘奧會俾日本帶嚟嘅經濟收益，約為６﹒１４萬
億日元，即約５５７﹒５億美元，利潤方面，主要嚟自東京奧運會期間嘅消費，收益規模都喺得
３﹒２７萬億日元左右，約合２７０億美元，但宮本強調，以上收益估算仲未包括疫情帶嚟嘅不
利影響！
蝕咁多錢邊個找數？根據奧運慣例，舉辦奧運會一方如果有虧損，就會由舉辦嘅城市承擔，
但單靠東京都嘅財政情況，已無力消化呢些虧損，東京都政府主管財務嘅官員講過，單靠東京都
，已無法輕易填到奧運嘅虧損，而東京都知事小池百合子就話，蝕錢嘅問題要同首相傾傾先。
據日媒報道，喺申辦東京奧運會果時有明確約定，奧運會產生嘅損失，由舉辦城市承擔，日
本財務省一位官員就話，雖然知道東京都財政狀況嚴峻，但唔應該成為東京都唔找數嘅理由。
東京都同日本財務省不斷隔空拋波，盈盈就話，橫掂都洗濕咗個頭，殘奧又未完，條數就都
喺等搞埋殘奧會先講啦咁話！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
