RSS訂閱 《笑傲缸湖》社交媒體Ｓｎａｐ禮拜一發盈警之後，股價尋日暴瀉４３％，創呢隻股票史上
最大跌幅，去到１２﹒７９美金，外界驚網上廣告收入大減，拖累納指都跌２﹒４％。就連有「
鱷王」稱號嘅股市好友、全球最大對沖基金「橋水基金」創辦人，兼億萬富翁嘅達里奧亦對美股
前景悲觀，仲話投資者而家應該考慮投資有實際回報實物資產，例如房地產物業喎。
尋晚科技股之所以暴瀉，係因為Ｓｎａｐ周一發布咗盈警，仲話將放緩招聘。Ｓｎａｐ嘅行
政總裁Ｅｖａｎ Ｓｐｉｅｇｅｌ認為，宏觀環境惡化嘅速度快過預期好多，因為公司正面臨通
脹及利率上升、供應鏈短缺、勞動力中斷及蘋果ｉＰｈｏｎｅ新私隱政策收緊影響。
達里奧以往曾經批評手持現金唔投資係不智，但他近日接受ＣＮＢＣ電視台訪問嗰陣，反而
話而家買股票仲衰過持有現金。佢話：「現金仍然是垃圾，但股票更垃圾（Ｃａｓｈ ｉｓ
ｓｔｉｌｌ ｔｒａｓｈ， ｂｕｔ ｅｑｕｉｔｉｅｓ ａｒｅ ｔｒａｓｈｉｅｒ）」。
達里奧指出，在現時高通脹環境下，投資者應該考慮投資有實際回報的實物資產，包括房地
產物業、能源以及基礎設施等等。佢指出喺而家嘅環境，表現好嘅資產都係實物資產，好似喺
７０年代嗰陣咁樣。從各種角度嚟睇，提供實際回報嘅資產都係最好嘅投資。
達里奧又認為，美股之所以處於今日嘅困局，就係因為太多投資者炒股，仲要人人都做「好
友」，咁咪搞到市場失衡，最終咪大跌囉。佢仲估計要等股市嘅泡沫消除之後，市場先至會回復
平衡。
其實市場並唔係一個理性嘅地方，人嘅思維邏輯可以隨住價格波動而受到影響。無論投資咩
都好，利潤係唔會喺天到跌落嚟嘅，亦唔係打去烽煙節目問吓分析員幾時入幾時沽就攞到嘅。要
獲利就要按自己嘅需要做功課，花少少時間睇吓心水股份同企業嘅背景資料、業績、睇新聞甚至
企業嘅通告了解業務狀況同最新動向，學埋技術分析，再睇準價格先至做決定，拎住自己嘅明燈
獨立思考，唔求標準答案，賺到嘅先至係自己嘅。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
