《古臣雙周記-古臣》重機王者藉氫能注入活力 濰柴動力殺食
18/08/2021
八月話咁快過左一半,魚缸自從七月底兩連千跌就冇咩起色,之後響兩萬六附近浮浮沉沉,早排強勢嘅車股同光伏股都相繼回吐,弱市之下要跟住資金轉炒先會有肉食。阿臣近期就留意到?重型機械佬逆市造好,當中濰柴動力(02338)食埋氫能概念,幾抵玩。
(圖片截取自濰柴官網)
神州工信部早前表示,將支持發展零碳排放嘅氫氣發動機,下一步還將積極配合相關部門制訂氫能發展戰略,眾多國策支持香江氫能概念股炒上!
傳統重卡王座難動搖
先睇睇濰柴本業,佢係重卡行業龍頭企業,公司跨領域國際化!主營生產柴油機及汽車零部件,旗下子公司涵蓋動力系統、汽車業務、工程機械、智能物流、農業裝備、同海洋交通裝備等行業,足跡遍布全球超過100個國家,集團透過不斷收購重組成為行業龍頭營業總收入由2016年嘅932億人幣倍升至舊年嘅1975億人幣,最高年增長高達六成二。今年首季營業額更按年大增近六成八至654.71億人幣,純利升六成二至33.44億人幣,高於盈喜預測。
根據7月底中央政治局會議表述,財政有望於今年第四季發力,隨著預算內投資同地方政府債券加快發行,大型基建項目將陸續上馬,本月至年底約2.6萬億人幣地方債將刺激下半年基建投資增速,一來基建行業即將踏入傳統旺季,二來河南鄭州水災後重建又帶嘅額外需求,重型機械股上升周期將會持續。
氫燃料電池布局深遠
今年為神州十四五開局之年,阿爺經常將碳中和同碳達峰掛響嘴邊,成為唔少行業嘅發展方向。神州燃料電池汽車已進入商業化初期,財政部等5部門下發通知,將京滬粵冀豫等地納入燃料電池汽車示範應用城市群,截止舊年底,神州燃料電池汽車保有量7352輛,加氫站建成128座。與此同時,中石油、中石化等大型央企亦跨界發展氫能產業。
我哋嘅主人翁濰柴早響5年前就開始布局發展新能源產業。2016年入股燃料電池公司弗爾賽;2017年同德國博世簽訂燃料電池汽車技術合作協議;2018年同英國錫里斯組合營發展固態氧化物燃料電池,同年成為全球氫燃料電池龍頭巴拉德嘅第一大股東。從佢多年經營氫能就知集團響新能源發展方面嘅決心,同濰柴有幾高瞻遠矚。
展望未來,濰柴今年將推出燃料電池重卡,目標係喺山東同河南銷售1500至2000輛,集團亦響5月以非公開發行方式發行共計約7.93億股新A股,集資約130億人幣發展電池及高端發動機,濰柴早前定落目標,要響2025年將新能源業務收入增至200億人幣,並建成全球領先燃料電池產業鏈基地,相信響國策扶持同自身發力下目標可期。
濰柴日線圖股價走勢。(經濟通HV2系統截圖)
市弱仍可企穩高位 後市看俏
睇番圖表,濰柴響7月底大市兩連千跌時仍然企得幾穩,都係回調?5巴仙左右,8月頭傳出獲施羅德增持逾千萬股後,濰柴就開展升浪,近日市況麻麻之下都維持?高位整固,阿臣認為佢未彈都係因為弱市拖累,現價接近十天線(19.4銀),高於廿天至二百五十天全部均線,9RSI大概58左右,後市仲有上升空間。濰柴相信8月底會出中期業績,首季業績發?盈喜,估計中期業績都見得人,阿臣決定響19.36銀買入3手濰柴,博佢爆上前頂26銀水平,穿18銀止蝕。
etnet榮獲HKEX Awards 2023 「最佳表現證券數據供應商」大獎► 了解詳情