HV2用戶通訊-「智能選股」進階篇
早前介紹咗「智能選股」入門篇,大家都已經輕鬆上手了吧?對於投資別具慧眼嘅你,一定有獨家選股秘訣!?「我的策略」,你可以自行設定唔同嘅篩選條件,無論高手或是初學者,都可以自由設定自己喜愛嘅條件。如果你完全未有諗法,唔知點開始,就繼續睇落去啦!
首先,系統設有7大選股條件,包括:熱門、基本、價格波幅、技術、盈利能力、財務及財務槓桿條件。我哋深信投資方法唔需要太複雜,只要將佢系統化同埋用簡單嘅方式捉住核心,就可以喺眾多資訊內搵到符合自己要求嘅股票。以下精選兩大實用策略條件作為參考。
主力針對價格波幅及技術條件的分析。價格波幅分析指標包括不同時期股價變動、成交量變動及沽空變動率等。技術條件除咗有常用技術指標外,更細分上升/下跌策略和買入/賣出訊號等。
例子1:短線策略設定1﹒熱門條件-->成交金額超過1000萬元2﹒價格波幅條件-->20天歷史價格波幅%為20-1003﹒技術條件(日線)-->RSI強弱指數-->上升策略-->14天RSI大於
5-SMA4﹒技術條件(日線)-->STC-Slow慢步隨機指數-->買入訊號-->%SK升穿
%SD及%SK小於20
《中線策略》則深入分析盈利能力及財務條件。盈利能力分析指標包括三年每股盈利增長率、營業額/收益增長率及存貨周轉率等。財務條件就有總資產、流動資產/負債及流動比率等。你可以隨時更改指標參數,搵出符合要求嘅股票。另外,你亦可以指定個別指數或行業進行篩選。
例子2:中線策略設定1﹒熱門條件-->成交金額超過1000萬元2﹒盈利能力條件-->三年每股盈利增長率%大於53﹒技術條件(日線)-->RSI強弱指數-->上升策略-->14天RSI大於
5-SMA4﹒技術條件(日線)-->MA移動平均-->SMA上升策略-->現價大於20天線
首先,按「開新」鍵選擇所要嘅條件。完成條件設定後,記得要儲存起來,下次繼續用。當你按「搜尋」鍵,系統會迅速幫你搵到股票。如果睇啱心水股,仲可以即刻將佢放入你嘅自選組合入面,又或者將篩選結果匯出至Excel文件格式,隨時監察同追蹤佢哋嘅走勢,部署買賣時機。
「智能選股」係投資人必備嘅一套聰明選股工具,讓你最有效率去建立最適合嘅投資組合!如果對呢個功能有興趣的話,可以隨時同我哋嘅客戶服務部同事聯絡吖!電話:(852)2880-8618。
樂本健【秋日開倉26 - 27/9】保健品低至$20!► 火速行動