RSS訂閱 《笑傲缸湖》正所謂「不在乎天長地久，只在乎曾經擁有」，呢句話除咗應用係股票投資上
，當然都可以用係婚姻上。花旗國最新熱話就肯定係亞馬遜創辦人貝索斯（Ｊｅｆｆ
Ｂｅｚｏｓ）宣布離婚，重話本身同老婆麥肯齊已經分咗居，各方花生友都喺網上洗板搵原因！
但有傳媒爆料，呢次離婚導火線，就係因為貝索斯出面搞三搞四，同一個大台前女主持打得
火熱，重要短短１４日內偷食６次，大婆忍無可任情況下宣布分居，啱架啦！盈盈都話分得好，
但點可以便宜呢個衰佬呢？
話說佢兩公婆住喺華盛頓，亞馬遜總部亦都喺華盛頓，當地係奉行「共同財產制」，加上亞
馬遜係佢兩公婆結婚一年後創辦，所以原則上，亞馬遜佢兩公婆都有份。作為全球首富，有人估
計過貝索斯目前身家有１３７０億美金，而呢份身家大部分帳面值都係來自佢持有７９００萬股
或１６巴仙亞馬遜股權。
如果要離婚就肯定分身家，對於點樣分都係一個大麻煩。方法一，就係賠錢，賠錢意味住貝
索斯要大幅度配售股份套現先分到，咁亞馬遜股價有機會一單離婚事件而出現大折讓；方法二，
就係將亞馬遜股權對分，咁代表公司管理層要從新洗牌，而貝索斯亦可能喪失絕對控制權，投資
者屆時信心大減，公司面對嘅風險亦好大。
但無論點都好，如果分一半身家，可以肯定就係蓋茨可以重奪首富寶座，而麥肯齊又會因為
呢件事一躍成為世上最有錢嘅女富豪。有經濟學家分析，通常呢類企業家如果離婚而分身家後，
都會因為避免公司再面對風險，所以將公司嘅資產抽離，但去到好似貝索斯呢個級數，又無簽到
婚前協議，真係好難想像公司往後決定應該會點。
唉，男人好地地對老婆咪得，搞著自己都算，搞著啲小股東嚇餐飽啊嘛！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】美眾院通過法案，香港駐美經貿辦恐遭關閉，你是否支持中方對此作出強烈反制？► 立即投票
