謝霆鋒 磨劍廿年 由歌手到廚神

16歲出道 被噓足3年 咬緊牙關瞓身做

　　謝霆鋒自16歲出道至今21年，由以往搖滾歌手、電影演員，轉型至影片後製公司老闆，近年更變成Chok爆廚神，在唱歌、演戲、烹飪稱得上是「瓣瓣掂」。不過，自小在鎂光燈下成長的霆鋒，憶起自己出道初期不被看好的辛酸過程。

霆鋒在節目上大展身手，烹調多款美食，如茶熏雞、紅酒燴豬蹄等。（影片截圖）

　　「可能今日大家都忘記咗謝霆鋒係點樣出道，我係被人噓出道。由16歲入行，一個掌聲都無，我只好咬實牙根，唱完首歌。每次落台後，我經理人都喺度喊。」這種情況維持3年多，至他19歲時始獲第一個掌聲，「這就是人生，如果你想成功，就要堅持下去。」

拍戲創業靠專注瞓身

　　由歌手轉型至演員，每次嘗試新事物，他都抱住「瞓身一試」的心態。拍電影時，出晒名唔錫身的霆鋒，所有危險動作都由自己負責，「我斷過幾多條骨無同大家講過，（拍危險動作）畀我阿媽、我老細鬧，我試過在會展樓頂和成龍大哥碌落嚟，碌過幾多次先拍到嗰兩秒菲林，我都無同你哋講。」

　　台上一秒鐘，台下十年功，背後都是霆鋒憑着堅定的決心，經過無數次練習再練習，才呈現出電影上那一兩幕完美鏡頭。

　　「每一次做新嘗試，我都希望自己專心去做，目前我希望專心做好鋒味節目，因為好多人畀咗好多機會我哋。」至於霆鋒何時會回歸本業、重拾咪高峰唱歌和開演唱會仍是未知之數，但貼心的他在分享創業心得後，為支持者準備了一首從未公開過的新歌《有火》，對樂迷來說也算是另類福利。

董建華大讚：霆鋒是年青人榜樣

　　團結香港基金主席、香港首任行政長官董建華也有現身，為霆鋒的鋒助人生平台撐場。當晚約一小時長的講座上，董建華花近15分鐘時間，大讚霆鋒是青年人的榜樣，「他是我們每一個青年的榜樣，跟他學習，你們就會成功。」董建華續指，在香港，靠炒賣成功的人不多，只有緊貼科技，好好裝備自己，才能令香港整個城市變得更創新。

轉載自《iMONEY智富雜誌》

etnet健康網購 | 6月限定優惠【送：明目藍莓精華36:1】乙樽► 火速行動