RSS訂閱 睇睇今日有咩爆升股，有隻英皇文化產業(00491)突然爆升，主要好似係好似散戶同內地券商入場為主，睇日子，應該係暑期檔電影入面，英皇預備又大電影準備要上？
睇返去年，英皇電影一套《金手指》，掀起金融界的波瀾，個個都變成考古專家咁，講返以前個股市己容易賺錢，班人點樣左手交右手，印股票好過印銀紙云云；事實上呢套電影都變成金像獎嘅大贏家，口碑同票房都贏盡晒。
咁今年又有乜炒作消息？原來康城有單「猛片」出爐，由黃子華、許冠文兩大笑匠合作，陳茂賢執導及編劇，英皇電影《破．地獄》海報曝光。兩個笑匠走去拍關於殯儀業嘅題材都夠晒「得意」，同埋呢套組合都幾有新鮮感。
對上一次睇到佢地嘅合作，都要數到32年前嘅《神算》，博客都係番睇電影台先知呢套電影，首先呢個組合係票房上都已經夠晒有保證，不過殯儀業題材電影係內地會唔會有問題？2022年內地電影《人生大事》都係以殯儀業做背景而且大收，所以呢個題材應該唔會太大問題，只要唔多涉及宗教同迷信就OK。
咁券商又點睇呢？中信建投證券認為，五一檔基本符合預期，綜合票房和觀影人次均是自2019年以來的平均水平。展望暑期檔，相較去年高預期、高關注度儲備更多，看好綜合票房表現。該行認為，高關注度、高預期供給釋放有望刺激觀影需求，推動票房和觀影人次維持高位。
所以今日炒起係咪因為有呢套新電影出？都可能有關啦，畢竟《金手指》咁收到，大家都對《破．地獄》可能有小小期待！
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet健康網購 | 6月限定優惠【送：明目藍莓精華36:1】乙樽► 火速行動
