RSS訂閱 雖然神州短期之內唔會全面放寬樓市調控，不過基於「孖屐」預料花旗國嘅加息步伐會減慢，加上人仔又見回穩跡象，應該會利好一班內房佬。而內房大佬之一華潤置地（０１１０９），有祖國中央企業嘅ｂａｃｋｇｒｏｕｎｄ。
潤地今年成績唔錯，最新嘅１０月份實現總合同銷售金額約２０６億銀人仔，大大走高７１巴仙；總合同銷售建築面積約１０４﹒１萬平方米，上升３９巴仙。而操盤項目合同銷售金額同埋合同銷售建築面積就分別錄得約１９４﹒６億銀人仔同埋１００﹒９１萬平方米，彈高６１巴仙兼３５巴仙。真喺交足功課架！
另外，潤地嘅土地儲備充足。截至今年６月底止，總土地儲備面積５２１５萬平方米。當中一、二線城市嘅土地儲備仲佔總土地儲備嘅７６巴仙，足夠滿足未來３年「孖屐」發展同埋ｓｔｒｅｎｇｔｈｅｎ該公司嘅地位。
花旗都畀心心佢，又表示喺２０２０年之前，同投資物業相關嘅租金收入增長有機會維持喺１００億銀人仔或以上，又相信低融資成本會ｋｅｅｐ得住個競爭優勢，最後維持佢嘅「買貨」評級，「他屐」３９﹒９銀。
睇返個公仔圖，雖然大市被中美貿戰困擾，不過潤地走勢仲係好ｍａｎ，未跟其他大佬們「Ｙｏｕ ｊｕｍｐ，Ｉ ｊｕｍｐ」，５０天平均線（約２７﹒４１４銀）見明顯支持，加上最近有關板塊嘅負面消息已經畀「孖屐」慢慢消化緊，不妨趁「孖屐」調整回落至２６﹒８銀嘅時候趁低收集兼買貨。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【母親節限時優惠】 送價值$288維柏健30天逆轉肌齡(膠原蛋白+生物素) ► 火速行動
