《魚缸博客》電動車大家可能只係聽過ＢＹＤ、蔚小理等等，但其實內地有好多新派電動車
一路爬緊上來，好似零跑汽車（０９８６３）就係一個好例子。
公司最近有新聞，零跑汽車５月新車交付量公布，５月交付１２０５８臺，環比增長超
３８％。其中Ｃ系列交付超萬臺，環比增長超３８％。睇返官網，目前Ｃ１１有三款車，價錢賣
１４﹒９８萬至１８﹒５８萬，以電動ＳＵＶ來講，真係十分親民，加上外型有小小日系車味道
，所以賣得好確實有原因。
另外，內地國務院常務會議早前召開，內容提及要延續和優化新能源汽車車輛購置稅減免政
策，即係電動車補貼將會成為過內買車主流，廉價高質電動車將刺激內需，間接推動電動車股股
價。
其實內地電動車一路都價廉物美，甚至出口到歐美地區都無懈可擊，不過駕駛者一路都有自
己品牌喜好，例如買ＢＭＷ╱ＢＥＮＺ就係高端，ＢＹＤ係外國一路都係主攻中低端市場，呢種
刻板印象一時半刻都好難改變。不過係電動車市場，未來只會睇續航能力、科技感同價錢，呢啲
都係中國電動車可以爭一日之長短嘅地方。
零跑氣車係２０２２年上市，曾經試過破發，不過近期股價都係上升軌道，今日仲一支大陽
抽上，而目前股價係４２蚊至４５蚊有一定阻力，建議分批買入，等待突破頸線，只要唔穿３３
蚊都可以繼續持有，未來先睇突破４５蚊，催化劑就係每月交付數據，可能１０幾萬電動ＳＵＶ
真係一個藍海！
《編者按》本欄搜羅即市傳聞，惟消息未經證實，《經濟通》亦不保證內容之準確性。
WoW WoW星期三：健康網購產品低至$69 (只限今天)► 火速行動
