RSS訂閱 國家發改委副主任寧吉喆上日（９日）表示，目前祖國居民收入持續增長，消費不斷擴大嘅趨勢明顯，今年將制定出台，以促進砵砵車、家電等等嘅產品消費有關措施，消息帶動砵砵車大佬連日全線反彈。隨着祖國經濟增長放緩，砵砵車銷售由上年７月開始走低，不過，有好多大行就「十卜」佢哋，其中，瑞信表示，消息會全面刺激消費情緒，又強調祖國為咗ｋｅｅｐ住個經濟增長，預料會用國策推動返砵砵車嘅需求。
大和發表報告指出，祖國１２月平均私家車銷售按年下跌１８巴仙，跌幅較１１月為深，日均ＳＵＶ銷售按年走低１７巴仙，而房車銷量按年降１８巴仙。不過，華晨（０１１１４）寶馬同埋北京奔馳就唔跟大隊，分別按年錄得１６巴仙兼１８巴仙嘅強勁增長。叻！
花旗都睇好華晨架！該行表示，由於換車需求增加，豪華汽車銷量增長以及與寶馬的合資企業彈性銷售增長，華晨股價幾乎已經走過谷底，最後將佢嘅評級，上調至買貨，「他屐」由５﹒７銀升至７﹒２銀，距離現價（約６﹒６銀）仍有潛在升幅９巴仙架！
睇返華晨個公仔圖，股價由上年９月底（２１日）就開始走低，１２月底（２８日）仲低見５﹒４銀，不過，股價上周五（４日）起就見反彈，至今已累積反彈約一成半，相信經過股價調整，以及負面因素反映之後，該股有條件重拾動力，投資吸引力有望逐步提升，缸友們不妨以現價趁低買貨啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
WoW WoW星期三：健康網購產品低至$69 (只限今天)► 火速行動
