【回歸廿年】蔡太：經紀不再魚翅撈飯 中資行取代屬時間問題

　　廿年來經歷了1997亞洲「金融風暴」及2008年「金融海嘯」，企業經營環境艱難導致股票派息減少，不少人對買股票的興趣減少。中潤證券主席蔡陳葆心(人稱蔡太)認為，這個情況亦打擊經紀行業。

蔡太與時任總理朱鎔基合照 （受訪者提供）

魚翅撈飯風光不再 銀行入侵打擊證券行

　　她憶述，1973年「全民皆股」年代，經紀們「魚翅撈飯」，因當時中環的食肆不多，食飯要「搵位」十分困難。「但經紀就實有位，佢(食肆)留比你既，要問你啲貼士嘛。」當年經紀受人尊重，人們最想認識經紀，好幫助他們「點石成金」。

　　但近廿年經紀已風光不再，自從銀行涉足證券業務，經紀行經營日益艱難。「本地經紀年紀大，要退啦，又咁多新花招，年輕人見搵唔到食，未必想繼承呢個行業。本地行執到差唔到無晒，剩番十分一。」

蔡太與時任特首董建華合照 （受訪者提供）

　　她表示，以往外資行與華資行「河水不犯井水，無大經紀蝦細經紀呢回事」。但現時股民交易不用交收，只需透過銀行戶口扣除便可，令他們覺得透過銀行管理證券戶口更簡便。

　　同時，2003年4月份聯交所撤銷最低佣金制度，市場參與者可自由商議佣金收費，為搶生意，證券行均割喉式減價。

　　蔡太認為，這個策略並非不好，時代要變，無論如何都需要適應。「以前有士多，而家全部係超級市場。嘈佢地(零佣金的經紀行)都唔啱，又無犯規，自由議價生意各有各做，唔收錢都有錢賺，係佢叻，死守果啲無得做架啦。」

細行遲早被中資取代

　　中潤經歷多個股災後，雖然關閉不少分行，但位於中環的大本營仍然屹立不倒。不過，現時網上落盤方便不少客人，駐足證券行的人沒有以前多，「分行而家唔做啦，因為唔需要啦，而家既人拎手機就得。我地都係做熟客生意，佢地都電話或網上落盤。」

　　她認為，證券行的生意宗旨是「老實唔呃人」，有時需向客人提供好建議，這樣才可以繼續經營，而中潤至現在亦未到要蝕錢的地步。

蔡太指自己與中資行關係好，不想批評太多，認為本地行與中資行應互相學習 (Dennis攝)

　　中資行近年不斷來港收購，而且「滬港通」及「深港通」開通後，不少業界人士抱怨受惠的只有中資行，本地行的生意未有顯著增加。

　　不過，蔡太指自己與中資行關係好，不想批評太多，認為本地行與中資行應互相學習，「但中資既錢係多過香港，都係錢多既話事」，因此小型券商被中資取代是遲早的事。

撰文：陳佩珊

etnet健康網購 | 6月限定優惠【送：明目藍莓精華36:1】乙樽► 火速行動